我一向對假期都沒有什麼計畫，所以很少外遊，對上一次而又不計工幹的，已是四年前的事。今個復活節，我亦如常地沒有計畫，但有時候亦要顧及身邊人，總要找點節目。而我又懶又不想煩，最好就是找個旅行團，給點錢就有人幫我找節目，幾好！假期只得四日，遠的不考慮，近近地就找個廣東短線團，結果花了一個下午就選定了三日兩夜的《盤龍峽》團。這團要23號才出發，所以我要多拿一天的假期，無所謂啦...... 我多的是！

23號晨早 6:45am 就要到碼頭集合(攞命！)，7:30am 就開船出發到順德，一個多小時後到達，隨即又要乘坐兩個小時車到肇慶食午飯，跟住就到了《金林水鄉》。由於假期前都下了幾日雨，所以出發前亦有點擔心，但到達時結果天氣不知幾好，正呀！







《金林水鄉》其實只個鄉下地方，所有地方都是很破爛，而這種破爛亦成了她的特色。

豹皮！？好驚呀～～！！



既然帶得你去，當然會有人在這裡做生意，砂炮、葫蘆、藥材...... 無有一樣想買。

一地都是肥雞。

一街都是這些美其名問你添香油的小朋友。

行完整條村，旅行團包了每人一碗山水豆腐花，吃過後覺得很香滑，所以自費添多一碗，才不過一元人仔，幾滿足！


行完水鄉就轉陣到重點的《盤龍峽生態旅遊區》，入住這三層高的酒店，房間環境不錯，但很討厭那落地玻璃的洗手間(都唔知佢想點！！)。之後放低行李，走到全盤龍峽唯一的餐廳吃晚飯，吃完就在區內浸溫泉。

浸完溫泉後回房，十時多就送來了我自費並認為全個 trip 中最好吃的泥燴雞，八十大元人仔。一隻雞剛好足夠兩個人吃，雞有雞味，而且調味亦佳，吃完齒甲留香，無得頂呀！

待續......