昨晚跟朋友聚會，朋友提議到九龍灣的大榮華。好！Let's Go!!

夜晚八時多，一行四人到了大榮華的門口，看見人頭湧湧，老馮要等位，於是趁機先點菜，但不到20分鐘就有位了。

以下菜名未必準確，有錯請見諒！


蝦醬豆腐火腩。蝦醬香，很惹味，撈飯一流。


枝竹牛腩。感覺普通，味道OK，中規中矩啦！


蟹肉菠菜。略嚴蟹肉味不夠，普普通通的一碟炒菜。


五味雞。這裡的招牌菜，幾乎每台客都有點，味道很好，雞很滑。


頭抽浸鴨胸。原來頭抽和鴨胸的味道是可以很夾！好味！


豬油撈飯。咁大個仔都是頭一次吃，加點豬油，加點頭抽，嘩！頂！好味到丫！立即想起上一代人經常說："加點豬油，飯都可以食多幾碗呀！"


馬拉糕。最後追加的一道點心，一籠八件，雖然已有九成飽，但都忍不住點了。上檯時熱辣辣，入口鬆軟香甜，正！

還有一碟"橄欖油香草燒蠔"，但因為朋友太快手清碟而來不切拍照，可想而知幾好食呢～！

我們點了啤酒和果汁，最後還每人送一碗仔糖水，埋單都只是$400多，抵食！而且上菜又快，席間還見到韜韜在巡視，嘩！佢個肚腩真係好大呀～！！